1 Ո՞րտեղից են պատերազմունքներ եւ կռիւներ ձեր միջումը. Չէ՞ որ այստեղից է, այսինքն ցանկութիւններիցը ա որ պատերազմում են ձեր անդամներումը։ 2 Ցանկանում էք եւ չ’ունիք. Սպանում էք եւ նախանձում էք եւ չէք կարողանում հասնել. Պատերազմում էք՝ կռվում էք, բայց չ’ունիք, որովհետեւ չէք խնդրում։ 3 բ Խնդրում էք եւ չէք առնում, գ որովհետեւ չար կերպով էք խնդրում, որ ձեր ցանկութիւններումը վատնէք։ 4 դ Շնացողներ, չգիտէ՞ք ե որ աշխարհքիս սէրը թշնամութիւն է Աստուծոյ դէմ. զ արդ ով որ կարողանայ աշխարհքի բարեկամ լինել, իր անձն Աստուծոյ թշնամի կ’անէ։ 5 Կամ թէ կարծում էք Սուրբ Գիրքը պարա՞պ տեղն է ասում, է Նախանձով փափաքում է հոգին որ բնակուած է մեզանում. 6 Բայց աւելի շնորհք է տալիս. Նորա համար ասում է. ը Աստուած ամբարտաւաններին հակառակ է կենում, բայց խոնարհներին շնորհք է տալիս։ 7 Արդ հնազանդեցէք Աստուծուն, թ հակառակ կացէք սատանային, եւ նա կ’փախչի ձեզանից։ 8 ժ Մօտեցէք Աստուծուն, եւ նա կմօտենայ ձեզ։ ի Սրբեցէք ձեր ձեռքերը, ով մեղաւորներ, եւ լ ձեր սրտերը մաքրեցէք, խ ով երկմիտներ։ 9 ծ Տառապեցէք եւ սուգ արէք եւ լացէք. Ձեր ծիծաղը թող սուգ դառնայ, եւ ձեր ուրախութիւնը՝ տրտմութիւն։ 10 կ Խոնարհեցէք Տիրոջ առաջին, եւ նա կ’բարձրացնէ ձեզ։
11 հ Իրար մի բամբասէք, եղբարք, իր եղբօրը բամբասողը ձ կամ իր եղբօրը դատողը օրէնքն է բամբասում եւ օրէնքն է դատում. Արդ՝ եթէ օրէնքը դատում ես, էլ օրէնքի կատարող չես այլ դատաւոր։ 12 Մէկն է օրէնսդիրը [եւ դատաւորը] ղ որ կարող է փրկել եւ կորցնել. ճ դու ո՞վ ես որ ուրիշին դատում ես։
13 մ Ահա, ով դուք, որ ասում էք, թէ Այսօր եւ էգուց գնանք այսինչ քաղաքը, եւ այնտեղ մի տարի լինենք եւ վաճառենք եւ շահինք. 14 Դուք որ չ’գիտէք էգուցվայ օրը. 15 Ի՞նչպիսի բան է ձեր կեանքը. Որ յ մի շոգի է, որ մի քիչ ժամանակ երեւում է եւ յետոյ աներեւութանում. Փոխանակ որ պէտք էր ասէիք, ն Եթէ Տէրը կամենայ եւ ապրենք, այս բանը կամ այն բանը կ’անենք։ 16 Բայց հիմա պարծենում էք ձեր ամբարտաւանութիւնումը. շ ամեն այդպիսի պարծանքը չարութիւն է։ 17 ո Արդ ով որ բարին գիտենայ եւ չ’անէ, նորա համար մեղք է։
Հակոբոս 4